Navegación:
Inicio |
Quen Somos |
Departamentos |
Inf. Académica |
Secretaría |
Actividades |
Servizos
"Volta ao mundo en 80 días
O sábado 16 de maio, no auditorio Gabriel García Márquez de Mera (Oleiros), coa colaboración do concello de Oleiros, e coa participación de alumnado e profesorado do IES Neira Vilas, tivo lugar a escenificación do espectáculo literario-musical sobre a novela de Jules Verne.
O IES Neira Vilas acada o Primeiro Premio
O IES Neira Vilas acadou o primeiro premio na reunión intercentros celebrada no pazo de congresos de Pontevedra o pasado xoves 14 de maio de 2009 co nome "O alumnado é protagonista"
Intercambio Escolar
"O alumnado do collège Notre Dame le Ménimur participante no I Intercambio Escolar co IES Neira Vilas rende visita ao noso alumnado durante a semana que vai do 26 de abril ao 3 de maio. Ao longo desta semana, ademais de participar na actividade lectiva do centro, o alumnado bretón participará en actividades de coñecemento do contorno (As Mariñas, Betanzos, A Coruña, Santiago de Compostela) e nunha cea de confraternización coas familias galegas que terá lugar o día 30 de abril no local cívico de Santa Cruz, grazas á colaboración do concello de Oleiros."
Actividades
Na sección de actividades hai información sobre as seguintes:I Escola de Nais e Pais
O xoves 29 de xaneiro deron comezo as actividades da I Escola de Nais e Pais organizadas polo IES Neira Vilas. Na primeira sesión, a orientadora educativa do centro, Carmen Ogando, incidíu en consellos prácticos para mellorar os hábitos de estudo, optimizando espazos e tempos co gallo de obter unha mellora no rendemento académico do noso alumnado.
 |
 |
 |
Exposición:"Cambio climático"
O 2 de febreiro inaugurouse no IES Neira Vilas a exposición "Cambio climático", en colaboración co CEIDA, para informar e realizar actividades interdisciplinares sobre este problema medioambiental e informarse das solucións e medidas a adoptar ao respecto. A mostra permanecerá no centro educativo ata o 20 de febreiro. Infórmate sobre os contidos da exposición.
 |  |
 |
Pode consultar o calendario de exames extraordinarios [
, 291 kB] correspondentes ao curso 2008-09, a realizar nos primeiros días do mes de setembro.
Achégase a información para as familias no documento adxunto [, 37 kB].
As clases presenciais en 2º Bacharelato rematarán o venres 15 de maio. Na semana do 18 ao 22 de maio terá lugar a convocatoria de exames finais en 2º Bacharelato. A sesión final de avaliación terá lugar o día 25 e haberá xornadas de reclamacións oficiais nas datas de 26 e 27 de maio.
Pode consultar o calendario de actividades finais [, 202 kB].
Do 5 ao 7 de maio terán lugar os exames finais para os alumnos que teñan materias pendentes de cursos anteriores.
Pode consultar o calendario [, 164 kB].
Na segunda quincena de marzo terán lugar as sesións da segunda avaliación. Concretamente, a avaliación de 2º Bacharelato adiántase ao día 17 de marzo; a de 1º Bacharelato terá lugar o 23; as avaliacións de ESO terán lugar o 24 e 25 de marzo. A entrega de notas efectuarase ao alumnado o día 27 de marzo.
O IES Neira Vilas organiza, do 30 de marzo ao 3 de abril de 2009, a súa Semana Intercultural, aberta á participación de toda a comunidade educativa e coa colaboración altruista de persoeiros significativos da nosa cultura. Xúntase o tríptico informativo [, 3 MB] deste evento.
Entre o vindeiro 24 de marzo e o 4 de abril, alumnado de francés de 2º, 3º, 4º ESO e 1º Bacharelato do IES Neira Vilas efectuará un intercambio escolar co collège bretón "Notre Dame Le Menimur", de Vannes.
Na crónica bretona o profesor Xosé Antón fai un seguemento da viaxe.
A Consellería de Educación e Ordenación Universitaria convoca 2.650 prazas para realizar actividades de inmersión lingüística no verán de 2009.
Poderá solicitar estas axudas o alumnado de centros sostidos con fondos públicos da Comunidade Autónoma Galega que non gozase dunha bolsa de inmersión no ano 2008.
O prazo de solicitude está aberto ata o 9 de febreiro.
Máis información na páxina: https://www.edu.xunta.es/axudasle/