Navegación:
Inicio |
Quen Somos |
Departamentos |
Inf. Académica |
Secretaría |
Actividades |
Servizos
Selectividade
O equipo directivo e o claustro de profesores felicita ao alumnado de 2º Bacharelato do curso académico 2007-08 que acudía ás PAAU convocadas no mes de xuño e acadou un 100% de aprobados.
Proxecto Interdisciplinar
Nos derradeiros dias de xuño levouse a cabo unha exposición do traballo feito no proxecto interdisciplinar polo alumnado de 1º de ESO.
Visita a Sotavento
Realizouse unha visita ao Parque eólico experimental cos alumnos e alumnas de 3º-ESO o 20 de xuño, derradeiro día escolar deste curso.
Torneo Intercentros
O 19 de xuño celebrouse a final do torneo deportivo intercentros entre o IES Miraflores e o noso centro.
Proxecto Oleiros solidario
Alumnos do Instituto reciben o premio pola curtametraxe feita para o concurso de guións do proxecto "Oleiros Solidario" que por cuarto ano organiza a concellaría de Bienestar Social do concello de Oleiros.
Un dia disfrutando coa auga
O día 19 de Xunio o grupo de alumnos de 3º curso dentro da materia de Iniciativas enprendedoras coa súa profesora Isabel López Mariño pasaron un día de lecer no Talaso da Casa da auga de A Coruña.
Durante toda unha mañán puderon disfrutar dos beneficios hídricos despois de tantos días de traballo e de exames.
Esta saida foi posible gracias ós beneficios obtidos despois das xestións realizadas ó longo do curso para a realización de diversas actividades, entre elas a dos almorzos saudables.
Viaxe Cultural a Roma
Os alumnos de 4º de ESO realizan unha viaxe cultural a Roma do 18 ao 23 de xuño.
Entrega de premios de Escola Guapa e debut do coro de profesores
O día 17 de xunio no noso centro educativo entregáronse os premios de Escola Guapa ás aulas máis limpas. O acto tivo como remate a primeira actuación do coro de profesores.
Graduación dos alumnos de 2º de Bacharelato
O 23 de maio tivo lugar no salón de actos do centro o acto de graduación dos alumnos de 2º de bacharelato.
Clasificación da I Olimpíadada do Saber
O 30 de maio tivo lugar no salón de actos a entrega de premios da Olimpíada do saber.
Concurso "Día das Letras Galegas 2008"
Coincidindo coa data das Letras Galegas, o seminario de Lingua Galega e Literatura, o Departamento de Normalización Lingüística e o equipo da Biblioteca do IES Xosé Neira Vilas, convocou un concurso de redacción (en prosa e en verso).
Fallo do Xurado: Traballos Premiados [
, 173 kB].
IV Semana da Ciencia do IES Neira Vilas
Do 14 ao 18 de abril de 2008 leváronse a cabo no noso centro as actividades correspondentes a IV Semana da Ciencia.
Nova sección
Na sección "a nosa xente" podes atopar entrevistas con membros da nosa comunidade.
¿Olvidamos o pasado?
Durante a semana do 21 de Abril no Centro Educativo vanse organizar unha serie de charlas onde os invitados contarán a súa vida. O exilio, a posguerra, a represión e as dificultades para a supervivencia serán parte da súa experiencia vital. Completarase co visonado de películas e documentais.
A actividade está organizada para o alumnado de cuarto curso dentro da materia de Historia e despois de teren realizados os traballo sobre a biografía dos seus abós.
Charla-coloquio con Antonio Reigosa
O pasado día 26 de marzo de 2008, ás 10:30 horas, tivo lugar no salón de actos do IES Xosé Neira Vilas un encontro entre o alumnado de 1º e 2º de E.S.O e o escritor Antonio Reigosa.
Escola Guapa de novo no noso Centro
Durante os meses de Marzo, Abril e Maio seguirá, como anos anteriores, a funcionar o proxecto Escola Guapa. En colaboración co concello de Oleiros e a Concellalía de Educación, pretendemos ter un centro bonito, limpo, saudable e ecolóxico.
Para todo esto un equipo de alumnos, profesores e monitores, estamos a traballar en actividades de xardinería, compostaxe, limpeza, dinamización e proxectos medioambientais.
Ademáis da satisfacción de ter un Centro coidado e limpo, o equipo de E.G. levará un premio complementario.
A elite do baloncesto no Neira Vilas
Claudia Calvelo Ameijeiras, de cuarto de ESO, ten dazaseis anos -recén cumplidos- e xa leva máis de cinco no cumio do deporte. Con 11 anos, e no primeiro partido de baloncesto xa a mandan á selección galega e no mesmo veran é fichada para a selección nacional. Co equipo español recibíu a medalla de oro en Kosica (Eslovenia) hai dous anos.
O día internacional da Saude no Instituto
Durante a semana do 31 de Marzo ata o 4 de Abril no noso Centro celébrase un conxunto de actividades en relación coa vida saudable.
Conferencias, traballos de investigación, maratón xeral e almorzos saudables se desenvolverán durante esta semana, organizados polo alumnado de 3º A e B dentro da materia "Obradoiro de iniciativas emprendedoras" coa profesora Isabel López Mariño.
O grupo de rapaces e rapazas encargouse de organizar o proxecto, buscar financiación e incluso de deseñar o almorzo sano.
¡Será unha semana saudable!
Darknesscuridade. O Maratón de lectura
Ao longo dos meses de febreiro e marzo de 2008 tivo lugar no IES Neira Vilas o desenvolvemento do proxecto interdisciplinar "Darknesscuridade", unha reflexión sobre a obra de Joseph Conrad "O corazón das tebras" e o contexto histórico no que se desenvolve.
A Olimpíada do Saber
O luns 11 de febreiro de 2008 comezou no noso centro o concurso "A Olimpíada do Saber"
Visita a Emalcsa
O pasado martes 4 de marzo os alumnos de 4º de E.S.O. e 2º de bacharelato da opción de medioambiente visitaron a estación de tratamento de auga potable de A Telva situada no término municipal de Cambre. Dita estación esta formada por tres plantas con capacidade para tratar ate 2325 l/s de auga procedente da conca hidrográfica do río Mero.
1000 anos de arte en feminino
No mes de febreiro, o IES Neira Vilas acolle a exposición "1000 anos de arte en feminino", un paseo a vista de paxaro pola pintura feminina dende o século X ata o XX. Trátase dunha exposición bilingüe, en galego e inglés, que implica unha colaboración didáctica interdisciplinar.
A devandita mostra estará accesible ao público en xeral durante os xoves 14 e 21 de febreiro, en horario de 16.15 a 18.00 horas, co obxecto de ampliar máis alá da propia comunidade educativa a difusión da mesma.
Pode descargar o Tríptico da Exposición [ 229 kb]
A exposición na prensa.
Semana Branca Andorra 2008
Do 12 ao 19 de Xaneiro de 2008 nas estacións de esquí de Pal Arinsal e Ordino Arcalis. Un total de 37 alumnos: os máis de 1º de Bacharelato e 4º da ESO e, con menor presenza de 3º e 2º ESO, desenvolveron a actividade de esquí e snow.
Visita Sogama
O departamento de Bioloxía e Xeoloxía organizou, o pasado 18 de xaneiro, unha visista dirixida aos alumnos de 4º de E.S.O. e 2º de Bachsrelato (da opción de ciencias) ao complexo medioambiental de Sogama.
Charla do Equipo de Mediación na universidade da Coruña o 16 de xaneiro de 2.008
Integrantes do grupo de mediación, os alumnos: Alberto Gómez, Jessica Vilariño, Jennifer Alvarez, Iris Pena e Alexandra Balbás e os profesores Fernando Vidal e Warinca Arce do noso Instituto contaron a súa experiencia a futuros educadores sociais. Foi na facultade de Ciencias da Educación na clase da materia "modelos de educación para a paz e o desenvolvemento"
Visita escolar á Coruña
O xoves 10 de xaneiro de 2008, o alumnado de 3º ESO realizou unha visita a Facenda, INM e Museo de Belas Artes