Actualidade No Centro

logo do 25 aniversario

Celebración do XXV Aniversario do noso centro

Queremos recoller datos, imaxes e contactos

das persoas que formaron parte desta

comunidade educativa neste cuarto de século.

Máis información no Blogue: 25 do Neira













actividades extraescolares

Actividades Extraescolares 2014-2015

Co arranque do novo curso, ponse en marcha o proceso de inscrición nas actividades extraescolares que se iniciarán o día 2 de outubro baixo o título OS XOVES, O NEIRA PUNTO DE ENCONTRO.

Impartirase teatro, intercambio de inglés, xadrez, danza, robótica, técnicas de estudo e ciencia divertida. Todas as actividades realízanse os xoves pola tarde e o prazo de inscrición remata o día 26 de setembro.

Máis información




O Instituto nos medios

bachibac na tvg

O Telexornal Mediodía [08/07/2014] da TVG faise eco da oferta do Bachibac no noso centro:

"O IES Neira Vilas de Oleiros ofrece o primeiro bacharelato binacional en francés, o Bachibac"

Pode ver a noticia na páxina da TVG.

Mais Información do Bachibac


Libros de texto. Curso 2014-2015

Xa se pode consultar a relación de libros de texto para o vindeiro curso 2014-2015.

Probas de acceso á Universidade

100 % de aprobados no alumnado do IESP Neira Vilas que se presentou as PAU. Parabéns!

BACHIBAC - Curso 2014-2015

A partir de setembro 2014,o IES Plurilingüe Xosé Neira Vilas, único centro Plurilingüe en francés en Galicia, será tamén o primeiro centro de toda a Comunidade en ofertar o programa binacional Bachibac.

O Bachibac é unha dobre certificación de fin de estudos secundarios. Permite obter ao mesmo tempo o baccalauréat francés e o bacharelato español.

Pódense consultar certas ligazóns informativas, de partida, para as materias de Ciencias do Mundo Contemporáneo e Historia de España e Francia, nesta ligazón.

Mais Información

Admisión de alumnado para o curso 2014-2015

Resultado do procedemento subsidiario de adxudicación de postos escolares no concello de Oleiros para o curso 2014-2015.

Excursión do Equipo de Convivencia e Mediación

Excursión do Equipo de Convivencia e Mediación

Preparando a actividade.

O pasado venres, 16 de maio de 2014, o Equipo de Convivencia e Mediación realizou unha visita ao Monte de San Pedro en A Coruña.

Foi unha xornada de convivencia na que tivemos a oportunidade de visitar un antigo escenario bélico, hoxe reconvertido felizmente en parque urbano, e na que aproveitamos para facer adestramento en técnicas de mediación escolar.

O adestramento consistíu na realización, mediante dramatización, dun suposto de conflito entre alumnos. Os membros do equipo distribuíronse en cinco pequenos grupos nos que algúns alumnos tiñan o rol de persoa en conflito, outros de mediadores e outros máis de observadores do proceso.

Rematouse a actividade cunha posta en común na que intentamos sacar conclusións para mellorar a nosa actividade como mediadores.

Despois do adestramento tivemos a oportunidade de dar un paseo polo fermoso parque do Monte de San Pedro, visitando o Mirador, o Laberinto Inglés e o parque de xogos.

Foi, a pesar do vento, un estupendo día de sol no que salientou a boa convivencia, a colaboración do alumnado e as impresionantes vistas da cidade e da bahía.

Máis información da actividade

Alumnas do Neira Vilas dan unha charla na Facultade de Pedagoxía

"As fontes orais: A biografía como método de traballo na aula" foi o título da conferencia impartida na facultade de Pedagoxía polas alumnas Marleni Martínez de Jesús de 2º curso de ESO e Andrea Ares Montes de 4º xunto coa profesora de Historia Carmen García-Rodeja Arribí. A conferencia foi presentada pola decana da Facultade.

Máis fotos da charla




VIº Intercambio Escolar I.E.S.P. Xosé Neira Vilas de Oleiros-Collège Notre Dame Le Menimur Skolaj Diwan Ar Mor-Bihan de Vannes

VI Intercambio Escolar

O proximo xoves 22 de maio chegarán a Oleiros 30 alumnas e alumnos dos colexios, Collège Notre Dame Le Menimur et Skolaj Diwan Ar Mor-Bihan de Vannes.

Virán acompañados de dúas profesoras, unha delas xa moi coñecida entre nos a profesora Catherine Le Blay. Coma sempre teñen unha axenda moi apertada e aproveitarán para visitar A Coruña, Santiago de Compostela, as Rias Baixas e aproveitarán para acercarse a Portugal; teremos o sábado 24 a tradicional “Cea da Amizade “ no Centro Cívico de Santalla - Santa Cruz que o Concello de Oleiros nos cede habitualmente. O regreso a Francia está previsto para o día 30 deste mes.


Premio literario Arcebispo Juan de San Clemente

O IES Plurilingüe Xosé Neira Vilas foi invitado a participar na XX edición do premio literario Arcebispo Juan de San Clemente, que convoca o IES Rosalía de Castro de Santiago.

Máis información

Actividades da Semana 25 do Neira

Xa pode consultar na sección de Actividades as realizadas durante a Semana 25 do Neira:

Alumnado admitido para o curso 2014-2015

Nos documentos adxuntos publícase a relación de alumnos admitidos para o vindeiro curso escolar 2014-2015:

“Viaxe Europea 2014” Xenebra-Suiza do alumnado da sección plurilingüe

Mural Xosé Neira Vilas

37 alumnas e alumnos da Sección Plurilingüe viaxan a Xenebra acompañados de 4 profesores.

Máis información

Neira Vilas preside a entrada ao instituto

Mural de entrada ao IESP

Parte esquerda

Mural de entrada ao IESP

Parte central

Mural de entrada ao IESP

parte dereita

Mural Xosé Neira Vilas

Ao celebrarse o 25 aniversario do instituto era preciso deixar constancia nun lugar emblemático do recoñecemnto á persoa que lle da nome. Pensouse que a mellor forma sería por medio dun mural ubicado na entrada principal do centro que fixera referencia á figura de Xosé Neira Vilas, ao seu libro senlleiro "Memorias dun neno labrego", ao seu espazo vital no concello de Vila de Cruces e ás súas palabras. O mural foi deseñado por Senén Olano e inaugurado ao inicio da Semana 25 do Neira.



Ver máis Imaxes da inauguración.


Miguel Golmayo crea o mural do 25 aniversario

Mural entrada IESP

O muro exterior do noso centro engalanouse nesta Semana 25 do Neira cunha obra gráfica de Miguel Golmayo creada para este aniversario. O autor foi alumno do instituto e ven desenvolvendo unha importante actividade gráfica como debuxante de murais e story-board. Este mural foi posible grazas ao patrocinio do concello de Oleiros.








Resultado do Concurso de Relatos Curtos: 25 do Neira

Concurso de Relatos

Presentáronse un total de 28 traballos repartidos entre as tres categorías do certamen.

Os traballos gañadores son:

Os premios foron entregados por Angel Seoane, alcalde de Oleiros, o día 7 de abril no acto de celebración do 25 aniversario do noso instituto ao que asistiu Xosé Neira Vilas e a práctica totalidade dos participantes no concurso.

Resumo da acta do xurado.

A continuación fotos dos tres gañadores:

Concurso de relatos

Galia Usatorre Cabaleiro

Concurso de relatos

Sara Ylenia Ambroa Búa

Concurso de relatos

Sergio Ceán Vázquez

Actos do 25º Aniversario

Programa actos 25 aniversario

O IES Plurilingüe Xosé Neira Vilas comprácese en invitar a toda persoa relacionada coa comunidade educativa do Centro ós actos de celebración do 25 Aniversario, que se desenvolverán o luns 7 de abril no Salón de Actos do Instituto.

(Ver programación)


A Semana do 25 Aniversario

Semana Intercultural 2014

Un cuarto de século de existencia xustifica que este curso o tema central da Semana Intercultural sexa Xosé Neira Vilas e nos mesmos.

(Ver programación)


Exposición Artefactos Anos 80

A celebración do 25 aniversario do noso instituto serve, entre outras cousas, para entender os cambios que continuamente se producen no mundo.

Esta idea impulsa a exposición /Artefactos anos 80/ que recolle obxectos que eran de uso habitual hai máis de dúas décadas pero que hoxe están en desuso.

As persoas interesadas en colaborar con este proxecto poden deixar depositadas na conserxería os elementos a expoñer.

Esta actividade é coordenada polo obradoiro de iniciativas emprendedoras do 4º da ESO


VIº Intercambio Escolar I.E.S.P. Xosé Neira Vilas de Oleiros-Collège Notre Dame Le Menimur Skolaj Diwan Ar Mor-Bihan de Vannes

intercambio 2014

Un total de 32 alumnos de 2º, 3º, 4º ESO e 1º de Bacharelato participan no VIº ÉCHANGE SCOLAIRE que terá lugar entre os días 1 e 12 de abril. Estarán acompañados dos profesores Don Juan Santamaria e Don Carlos Vidal.

Durante a estadía en Vannes (Francia), o alumnado do Neira Vilas fará diversas actividades : visita á rexión da Bretaña francesa ( Carnac, Quiberon , Mont Saint Michel, Dinan, Pont-Aven , etc.); tamén asistirán ás clases no Collège Notre Dame Le Menimur e a Skolaj Diwan ar Mor-Bihan .

O Intercambio rematará coa visita a París e o último día irán a Eurodisney.

Este ano viaxarán con nós 15 alumnos do IES Monte Neme de Carballo, acompañados da súa profesora de francés Sandra Rodríguez Nieto, que fan o Intercambio cos mesmos centros educativos.

Campaña do Banco Solidario

Banco Solidario de Oleiros

Ata o 4 de abril estase a desenvolver unha campaña de recollida de productos de alimentación e hixiene promovida polo Banco Solidario do Voluntariado de Oleiros. Esta campaña ten por obxectivo apoiar aos máis desfavorecidos complementando as actuacións feitas dende outros programas municipais e outras entidades sociais do Concello de Oleiros. Pódense aportar alimentos (en lata ou bote, para nenos e nenas e aceite) ou productos para a hixiene (persoal, infantil ou doméstica). Agradecemos a colaboración de todos!


O IES "Neira Vilas participou no proxecto "Découvrez la Galice" en Vannes (Francia)

Galicia-Bretagne fev 14

A participación nas xornadas "Découvrez la Galice" realizado na cidade de Vannes o día 25 de febreiro, ten como obxectivo dar a coñecer a realidade cultural de Galicia. Participaron, por parte do IES"Neira Vilas" os profesores Pilar Morandeira, Juan Santamaría e Carlos Vidal e por parte de Vannes o Concello de dita cidade, o Instituto Notre Dame le Meninur" e a Agrupación Galicia-Bretaña. Esta actividade está dentro do marco do Proxecto Comenius Regio.

Máis información

Curso 2014-2015. Admisión de alumnado.

Publicado o procedemento e calendario para a admisión de alumnado no IESP Xosé Neira Vilas para o curso académico 2014-2015.

Arrancan as actividades do 25 aniversario

Concurso de relatos 25 do Neira

Nesta primeira actividade o protagonismo asúmeo o Concello de Oleiros coa convocatorio do CONCURSO DE RELATOS CURTOS 25 ANOS DO NEIRA VILAS. O prazo para a presentación dos textos remata o 14 de marzo, existen tres categorias (ESO 1º ciclo, ESO 2º ciclo e Bacharelato - Ciclos Formativos) e en cada categoría concederase como premio unha tablet.

Espérase con esta actividade potenciar no alumnado o gusto pola escritura e, como elemento dinamizador da mesma, está activado un blogue e o hashtag: #25doneira para recoller a relación de textos que se vaian recibindo e os comentarios (límite 140 caracteres) que a proposta xenere.

Ver bases do concurso


Inscrición no concurso As "Mulleres Da Miña Vila"

I Concurso "As mulleres da miña vila"

Reivindicar o papel da muller e facer un recoñecemento pública da labor de moitas delas é o obxectivo do concurso "As mulleres de miña vila" que convoca o Concello de Oleiros, a través da Concellería de Ensino e Xuventude.

Poderán participar nel o alumnado de 1º e 2º de ESO presentando, ata o 21 de febreiro, un pequeno traballo sobre unha muller do noso Concello.

O traballo ganador recibirá como premio unha tablet Samsung Galaxy de 7".

Ver información e bases.

Inscrición en Oleiros Comedia

Cantos futuros membros do Club da Comedia poda haber no noso instituto?

Ímolos descubrir coa nova edición de Oleiros Comedia que promove o Concello de Oleiros en base aos seguintes puntos:

  1. INSCRICIÓN: realizarase polo departamento de Lingua Galega que será o encargado de supervisar os textos que elaboren os participantes. O plazo de inscrición remata o 31 de xaneiro.
  2. Os temas a desenvolver foron propostos polos participantes do ano pasado e son:
    • 1º Ciclo da ESO: OS PAIS, QUE PALIZA!
    • 2º Ciclo da ESO: AS "CLASES SOCIAIS" DO INSTITUTO.
    • Bacharelato e ciclos formativos: OS MESTRES, QUE PALIZA!
  3. PERIODO DE FORMACIÓN-ADESTRAMENTO: os xoves do mes de febreiro, de 16.30 a 18 h con Ramiro Neira (especialista en expresión oral de Artestudio).
  4. GALA cos participantes do IESP Xosé Neira Vilas: na Semana Intercultural.
  5. GALA FINAL cos participantes de todos os centros do Concello de Oleiros: día 6 de xuño no auditorio Gabriel García Márquez.

Visita e traballo arqueolóxico no Museo

arqueoloxico_2

O alumnado de 1º curso acudíu ó museo arqueolóxico no castelo de San Antón o día 18 de Decembro acompañdo polo profesorado de Xeografía e Historia. Alí ensinaronselles as pezas expostas e realizaronse as actividades didácticaa a partir dos obxectos do museo. A actividade foi dirixida polos seus monitores e coordinados pola comisión de orde, posteriormente foron recibidos pola directora e os arqueólogos onde realizaron un taller de arqueoloxía.

Os monitores participantes nesta actividade foron: Eva Carreira, Daniela Ferreira, Orleni Mateo, Lara García, Hugo Fernández, Laura Fernández, Nicolás Escourido, Ezequiel Caballero e Lidia Fafián e fixeron a cooordinación de orden; Nelson Peña, Vitor de Carbalho e Karol Fidelis.

máis fotos da visita

Visita á obra gráfica de Goya e taller de gravado

belas_artes

O alumnado de cuarto curso visitou a obra gráfica que hai no Museo de Belas Artes de A Coruña explicadas polo técnico de Museo a continuación puderon experimentar da realización dun gravado e observar a técnica de traballo explicado por gravadores profesionais. Acompañados polo profesorado do Departamento de Xeografía e Historia.

máis fotos da visita

Venezuela e Galicia

conferencia_venezuela_galicia

O día 18 de Decembro a señora Adriana Morín acudíu ó noso instituto, dentro das activiades da clase de Xeografía, a falar da súa experiencia como venezolana en Galicia, as diferencias culturais, climática e económicas. A conferencia estivo dirixida ó alumnado de 3º curso e estivo preparada por Irene Míguez e Paula Añón. 6 archivos adjuntos

máis fotos do acto

Uso seguro e saudable das novas tecnoloxías

Para sensibilizarnos sobre o uso seguro e saudable das novas tecnoloxías e o fomento da cidadanía dixital responsable, o noso instituto programou unhas sesións informativas de especialistas para estes temas da Garda Civil co alumnado de 1º e 2º de ESO e as familias.

Todas as sesións teñen lugar o día 13 de xaneiro, ás 18.15 h, no salón de actos co seguinte horario: 16.15 h: ESO 1º; 17.05 h: ESO 2º; 18.15 h: todas as familias interesadas.


Despedida das alumnas Talita e Taiuane

Despedida das alumnas Talita y Taiuane

Despois dos anos de Secundaria máis o tempo da estancia no Colexio Valle Inclán, o profesorado e os compañeiros de curso despediron o día 4 de Decembro ás dúas compañeiras Talita e Taiuane, con moita emoción pero contentos porque saben que voltan felices ó seu pais coa súa familia. Todos esperamos que sigamos en contacto e que volvan axiña. Feliz viaxe!

máis fotos do acto

Incorporámonos ao pacto social contra a violencia de xénero

Pacto social contra a violencia de xénero

A violencia exercida contra as mulleres continúa sendo terriblemente común e aceptada como "normal" en demasiadas sociedades do mundo o que constitúe un grave problema de dereitos humanos e saúde pública, que afecta a todos os sectores da sociedade, transcendendo así do ámbito privado ao público.

Coa finalidade de aportar o noso esforzo contra esta lacra, o Claustro de Profesores e o Consello Escolar acordaron sumarnos ao Pacto Social contra a Violencia de Xénero no territorio dos nove concellos que integran o Consorcio As Mariñas.

Texto cos principios asumidos

Visita da agregada cultural da embaixada francesa ao "Neira Vilas"

Visita agregada cultural francesa

Dado o alto nivel e interese que hai no noso Instituto pola lingua francesa, acude o día 15 de Novembro a agregada cultural a unha reunión cos responsables do centro educativo para ver de implantar a dobre titulación no Bacharelato "Bachi-Bac", que permitiría ao alumnado do Neira Vilas acceder aos estudios universitarios tamén en Francia.


Visita dos monitores ó museo arqueolóxico de A Coruña

Visita museo arqueoloxico

O grupo de alumnos monitores de 1º realizou o día 13 de novembre a visita ao museo arqueolóxico da Coruña para a preparación da actividade didáctica co compañeiros. Realizáronse as actividades da visita á sección de arqueoloxía e tamén o fichado de pezas en colaboración coa arqueóloga. Os alumnos monitores son: Eva Carreira, Daniela Ferreira, Karol Fidelis, Orleni Mateo, Lara García, Vitor de Carballo; Nicolás Escourido, Yvana Cadahío, Hugo Fernández e Ezequiel Caballero.

Máis información e fotos da actividade

Conferencia sobre enfermedades infecciosas no mundo

conferencia_carmen_coronado

O pasado día 11 de Novembro visitou o noso Instituto a doctora Carmen Coronado Carvajal para impartir a conferencia sobre epidemioloxía, dirixida ao alumnado de 3º curso dentro da materia de Xeografía. Esta charla forma parte das actividades do Departamento de Xeografía e Historia. A charla foi organizada polos alumnos Cristina Carreira, Alba Río, Sergio Cabeza e Iago Ruibal.

A conferencia de Carmen Coronado Carvajal, farmaceutica e profesora da Universidade, posibilitou que o alumado coñecera cómo é o estudio do extremadamente pequeño pero fundamental para a saúde do ser humano e cales son as armas para defenderse das infeccións. Tamén fixo un recorrido sobre as principias problemas de saude nos diferentes paises no mundo e as principais causas da epidemias.


Máis información e fotos da actividade

Os mitos gregos

"Xa dicía Malinowski que "os mitos son narracións que responden ás preguntas básicas da existencia humana"... E o noso IES, coa inestimable colaboración do benquerido compañeiro Antón García (antigo profesor de Historia do Neira Vilas) e dos seus alumnos do IES Miraflores, permite ollar este mes de novembro unha instalación sobre mitos gregos que ha de estimular a vosa curiosidade.

Activa e interactiva, a exposición permitiravos resolver este encrucillado... entre outras moitas cousas!!!"


O Neira Vilas punto de encontro de actividades os xoves

Cartes das actividades

Coa finalidade de ampliar a oferta de actividades complementarias e extraescolares, o noso centro reforza este curso, coa colaboración da ANPA, as actividades a desenvolver polas tardes co programa "Os xoves o Neira Vilas Punto de Encontro".

Arrancou este programa con English Club, que xa ten cuberta a totalidade das súas plazas, e se ampliará a partir do día 7 de novembro con dous obradoiro, Teatro e Danza Contemporánea, e outras dúas actividades dirixidas por profesores eméritos do instituto, Ciencias Divertida e Xadrez con Matías. Todo o alumnado interesado pode inscribirse en conserxería.


Mellorar o noso nivel lector

Cartel da actividade

Arrancamos este curso cun novo proxecto para o noso centro: A HORA DE LER.

Esta actividade pretende ampliar o interese pola lectura na nosa comunidade educativa con vinte minutos de lectura pracenteira cada día nos que cada un poderá ler o libro que máis lle interese.

A hora será rotatoria por semanas. A primeira semana será na primeira sesión de cada día, na segunda semana na segunda sesión, na terceira semana, na terceira sesión, ?. e así sucesivamente ata chegar á sétima semana que volveremos a empezar coa primeira sesión do día. E a lectura será individual e silenciosa no espazo e co profesor que corresponda en cada sesión.

O remate do primeiro trimestre farase unha avaliación da experiencia que implica a toda a nosa comunidade

A noticia na prensa: Diario "La Opinión"

Comenius Regio

Cartel do viaxe a Bretaña

O noso centro participa, por 2º ano, dentro do programa Comenius Regio co proxecto "Échangeons notre échange scolaire!". Está cofinanciado polo Programa de Aprendizaxe Permanente da UE e e coordinado pola Consellería de Educación da Xunta de Galicia.

Participan polo lado galego: Consellería de Educación, APFG, IES Monte Neme e o IESP Xosé Neira Vilas. Polo lado bretón: Concello de Vannes, Asociación Bretaña-Galicia e o Collège Notre Dame le Ménimur de Vannes.


O Curso 2012-2013 no arquivo

Xa pode consultarse no arquivo toda a información de noticias, actividades, etc., refente ao pasado curso academico.


Ciencia Recreativa

Cartel da actividade Ciencia Recreativa

Os profesores eméritos de Física e Química do centro, Ramón Romero Pardo e Antonio Varela Caamaño, presentan a actividade Ciencia Recreativa. É unha continuación das actividades: "Química Máxica", "Maxia?, Non Ciencia" e "Química?, Non Ciencia" que o Departamento de Física e Química desenvolveu primeiro na Semana da Ciencia durante 3 anos e logo na Semana Intercultural nos últimos 5 anos.

A actividade, que será gratuita, terá lugar os xoves pola tarde en grupos reducidos nos laboratorios de Física e de Química do centro.

Pode descargar o cartel da actividade


Certificados DELF

Excelentes resultados do alumnado do IESP “Xosé Neira Vilas” nos exámes de Francés Lingua Estranxeira convocados no mes de xunio polo Ministerio de Educación de Francia.

Os vintesete alumnos do Centro acadaron os certificados DELF. Este é o diploma que certifica as competencias en lingua francesa para candidatos estranxeiros; os niveis que acadaron son A2, B1 e B2 correspondentes ao Marco común europeo de referencia para as lenguas (MCERL). [O alumnado que se presentou era tanto de Secundaria como de Bacharelato].

A nosa mais sincera noraboa!