Navegación:
Inicio |
Quen Somos |
Departamentos |
Inf. Académica |
Secretaría |
Actividades |
Servizos
Pode descargar a memoria final de actividades do curso.
Graduación de 2º de bacharelato
O 23 de maio tivo lugar no salón de actos do centro o acto de graduación dos alumnos de 2º de bacharelato.
"Volta ao mundo en 80 días"
O sábado 16 de maio, no auditorio Gabriel García Márquez de Mera (Oleiros), coa colaboración do concello de Oleiros, e coa participación de alumnado e profesorado do IES Neira Vilas, tivo lugar a escenificación do espectáculo literario-musical sobre a novela de Jules Verne.
O IES Neira Vilas acada o Primeiro Premio
O IES Neira Vilas acadou o primeiro premio na reunión intercentros celebrada no pazo de congresos de Pontevedra o pasado xoves 14 de maio de 2009 co nome "O alumnado é protagonista"
Intercambio Escolar
"O alumnado do collège Notre Dame le Ménimur participante no I Intercambio Escolar co IES Neira Vilas rende visita ao noso alumnado durante a semana que vai do 26 de abril ao 3 de maio. Ao longo desta semana, ademais de participar na actividade lectiva do centro, o alumnado bretón participará en actividades de coñecemento do contorno (As Mariñas, Betanzos, A Coruña, Santiago de Compostela) e nunha cea de confraternización coas familias galegas que terá lugar o día 30 de abril no local cívico de Santa Cruz, grazas á colaboración do concello de Oleiros."
I Escola de Nais e Pais
O xoves 29 de xaneiro deron comezo as actividades da I Escola de Nais e Pais organizadas polo IES Neira Vilas. Na primeira sesión, a orientadora educativa do centro, Carmen Ogando, incidíu en consellos prácticos para mellorar os hábitos de estudo, optimizando espazos e tempos co gallo de obter unha mellora no rendemento académico do noso alumnado.
 |
 |
 |
Exposición:"Cambio climático"
O 2 de febreiro inaugurouse no IES Neira Vilas a exposición "Cambio climático", en colaboración co CEIDA, para informar e realizar actividades interdisciplinares sobre este problema medioambiental e informarse das solucións e medidas a adoptar ao respecto. A mostra permanecerá no centro educativo ata o 20 de febreiro. Infórmate sobre os contidos da exposición.
 |  |
 |
Proxecto Comenius
Nesta primeira semana de febreiro realizarase a visita preparatoria a Chieti (Italia) para o establecemento do proyecto Comenius: "Da Tradición ¨Modernidade". Ademais de Italia e España participan Portugal, Bulgaria e Alemania.
O profesor de Francés do noso centro Carlos Vidal realizará a visita previa para o establecemento dos contactos e a realización das actividades. Estas realizaranse nos vindeiros anos polo profesorado e o alumnado dos diferentes Centros europeos para o intercambio de experiencias e a realización dun traballo conxunto, no que se estuden as diferentes manifestación artísticas, culturais, literarias e de costumes ó longo destes últimos anos en Europa. Esta temática será abordadas desde as diferentes materias educativa.
FORUM ORIENTA 2009
Os alumnos/as de 4º da ESO, 1º de BAC e 2º de BAC visitarán o FORUM ORIENTA 2009 o día 13 de febreiro. O obxectivo desta actividade é que o alumnado adquira un maior coñecemento do ensino superior en Galicia. É unha actividade do Departamento de Orientación en colaboración coas Titorías.
Conferencias. "Todos somos emigrantes"
2ª parte: "Xente do mundo en Galicia"
O día 19 de Xaneiro tivemos a oportunidade de escoitar a charla de Dª Flor Hidalgo, nai do alumno de 3º A, Ricardo Aguila Hidalgo que nos contou a súa experiecia da súa vida en España despois de vir da súa Cuba natal.
Tamén veu ó noso centro educativo e para o alumnado de Terceiro curso Dª Andrea Franchino que desde Arxentina contounos o proceso e evolución da súa vida en España. A conferenciante é cuñada da alumna de 3º curso Macarena Farias.
CONFERENCIAS: “TODOS SOMOS EMIGRANTES”
1º Parte: “Galegos no mundo”
No noso centro educativo celebrouse a conferencia de D. José Ben Millán, avó do alumno Mathijs Tarin Ben o día 16 de Decembro para contar a súa experiencia da estadía en Fernando Poo.Ver máis
Tamén acudiu o día 17 de Decembro Dª Olga Paredes Pato, tía de Daniel Vázquez Paredes e contounos a súa experiencia como emigrante en Alemania.Ver máis
DATA: 14-11-2008: VISITA A INDITEX
A visita a Inditex en Arteixo á que asistiron os alumnos de Economía de 1º e 2º de Bacharelato consistíu nun percorrido polos distintos departamentos: Diseño, Tendas piloto, fabricación e distribución…..acompañado das explicacións necesarias por parte de persoal da empresa.
DATA: 7-11-2008: FORMACIÓN DE USUARIOS DE BIBLIOTECA
O día 7 de Novembro os rapaces de 2º da ESO acudiron á biblioteca municipal Rialeda do concello de Oleiros para asistir a un curso de formación de usuarios de Biblioteca.
CAMPAÑA PARA A PREVENCIÓN DA DROGADICCIÓN:
Durante a semana do 3 ao 7 de NOVEMBRO todo o alumnado da ESO recibiu unhas charlas informativas e talleres para tratar a prevención da drogadicción.
Esta actividade foi organizada conxuntamente pola dirección do centro e o concello de Oleiros.
DATA: 5-11-2008: FORMACIóN DE USUARIOS DE BIBLIOTECA
O pasado día 5 de Novembro os alumnos de 4º da ESO asistiron a unha visita de Formación de usuarios de biblioteca que tivo lugar na biblioteca do parque Europa de A Coruña.
DATA: 28-10-2008. ACTIVIDADE: DESAFÍO PARA NOVOS EMPRENDEDORES.
Un grupo de alumnos de economía de 1º de Bacharelato está a participar nun xogo da Escola de negocios de Caixanova. Para informarlles sobre o xogo e aclarar dúbidas , trasladóuse ao centro un membro do equipo de Play: desafío para novos emprendedores.
Esperamos que a charla fose de gran utilidade e que gañen o xogo
¡ Boa sorte, rapaces!
Viaxe á neve en Febreiro
Máis información... [
, 98 kB]
SAMAGOSTÍN
O luns 10 de novembro celebraremos no IES Neira Vilas o "SAMAGOSTÍN": MAGOSTO + SAMAÍN
Excursión 4º ESO
Excursión de fin de curso de 4º da ESO: A reunión coas familias terá lugar o vindeiro luns 27 de Outubro ás 20:00 horas no instituto.
Máis información... [, 83 kB]
Intercambio con Francia
O mércores día 15 de Outubro ás 20:00 horas teremos unha reunión no instituto para tratar do intercambio escolar que se fará no segundo trimestre con un colexio de Vannes
Máis información... [, 309 kB]
Conferencias sobre o noso pasado
Durante o mes de octubro e coa actualidade da exhumación da foxa de Federico García Lorca foron realizadas dúas conferencias no Instituto sobre a Memoria Histórica. A primeira delas foi impartida por D. Serafín Mourelle, vello militante na clandestinidade e a segunda pola profesora do centro Carmen García-Rodeja Arribí membro da ARMH e colaboradora na investigación e exhumación da foxas dos republicanos mortos en Galicia.